kind of happiness 

 ჩემი სახლი გამახსენდა. მშვიდი. გადავინაწილებდით მე და ჩემი და ოთახებს დასალაგებლად, დავხვეტავდით, მტვერს გადავწმენდდით და მერე  ფეხზე გავიხდით და ტახტზე დავსხდებოდით . მსხლის ხე მოჩანდა ღია ფანჯარაში, დამწიფებულ მსხალს ხშირად ხელის გადაწვდენითაც მოვწყვეტდით. გაზაფხულზე ეზოში ყვავილებს დავკრეფდით და პატარა ლარნაკში ჩავაწყობდით. ეს იყო ჩვენი სრულყოფილება: დედას მიერ გაზქურაზე შემომდგარი ჯერ ისევ თბილი ქვაბი, დასუფთავებული სახლი, უბრალო სასადილო ოთახი, ვიწრო ჩიხი, რომელიც ჩვენი სახლისკენ მიდის, ბევრი ხე ჩვენს ეზოში და ერთმანეთი.